ปอดีวันนี้มีเวลาหน้อย เลยเข้าไปผ่อเรื่องกาพย์ เรื่องค่าว ว่าจะเอามาเผาป๋างเจ้าหมู่นี่ละ
ผ่อไป ผ่อมา เป๋นว่าค่าวตี่ผมเขียน บ่เข้ากั๊บหมู่เปิ้นซักอย่าง ว่าจะถามอ้ายป้าว ก่หนีไปเหีย ไผฮู้บอกเอาบุญกำเน้อครับ
เต่าตี่ผ่อมา ถ้าบ่าเอา ครุ ลหุ เสียงสูงต่ำอะหยังอย่างต๋ำรับ ละก้อ ออกมาประมาณนี้ครับ
กาพย์ฉบัง 16 ( เผาป๋างสลิด)
OOOOO
O OOO
O OOOOO
O OOOOO
O OOO
O OOOOOO
ป๋างนี่ผ่อเหมือนป๋างร้าง เผาเหียวายวาง
เจ้าของเคว้งคว้างตางใด
บ่าเข้ามาผ่อมาใจ เผาหื้อมันไหม้
ปิ้งไก่เผาเห็ด เหน็ดดี
กาพย์ยานี 11(เผาป๋างอ้ายงา)
OOOO
O OO
OOO
O OOOO
O OOOOO
O OOOO
O OO
OOO
O OOOO
O OOOOOO
อ้ายหน่อเอาโซล่าร์ อ้ายขางมาพร้อมกั๊บไฟ
อ้ายป๋อยมามะใด หิ้วมาใด้น้ำมันก๊าด
หมู่หายป๋างก่อง่อม เจ้าหายต๋อมง่อมขนาด
สาดไปน้ำมันก๊าด ล่นเข้ากาด ซื้อจิ้นกำ
ค่าว (ป๋างหุม)
OOOOOOOO OOOOOOOO
OOOOOOOO OOOO OO
OOOOOOOO OOOOOOOO
OOOOOOOO OOOO OO
แอ่วป่ายิงปืน อย่างอื่นปอว่า อย่าลืมมาม่ากั๊บป๋ากระป๋อง
...........................................................
.............
เข้าป๋างยามนี่มีพริกกั๊บเกลือ อย่าอื่นเหลือเฟือเซาะเอาตางหน้า
ป๊ะแมงล่นลัด ถนัดมือขวา ยกปื๋นขึ้นมา เล็งเป้า
ปื๋นเข้าซอกไหล่ ฟั่งหายใจ๋เข้า ผ่อนออกยักเอา แหมกึ่งหนึ่งใว้
ศูนย์หน้าศุนย์หลังฟั่งแต่งหื้อใด้ เว้นขวาเว้นซ้ายหื้อดี
มือซ้ายประคองเลี้ยงศูนย์กั๋นหนี มือขวานิ้วชี้แตะใว้ไกพิง
ขวากุมซ้ายดึงมันตึงอยู่ดิ้ง ศูนย์หน้าหลังนิ่ง เดินไก
เงยหน้าผ่อหา แมงมาล่นหาย จะเยี๊ยะอย่างใดกั๊บข้าวมื้อหน้า
จ๋ำเป๋นขุดหน่อ ผักกูดเต๋มส้า ปลี๋กล้วยก่อมา จิ้มพริก
อันนี่อะหยังบ่ฮู้
OOOO OOOO
OOOO OO
OOOO OOOO
OOOO OO
ป๋างนี่ก่ดาย สร้างใว้เมินแล้ว
บอกขายแจ้วแจ้ว เมินมา
หื้อเจ่าก่เต๊อะ เป่อะเลอะแถมหนา
หื้อฟรีก่อว่า บ่าเอา
เผาแล้วสร้างใหม่ ก่อลายอย่างเก่า
บ่มีไผเอา เผาทิ้ง
เจ้าหมู่เล่าขวัญ ป๋างนั้นผีสิง
จวนกั๋นเผาทิ้ง เวยเวย
เฮียนลายอ้ายป้าว แต่ออกมาเป๋นหยังบ่าฮู้
แต่อ่านแล้วม่วนปากอยู่ ก่เลยเอาอี้ละ เดวมีเวลา ไปหาเทียบกั๊บโคลง อย่างอื่นก่อน
เสียดาย ผมดึง เส้นขีดโยงหื้อหัน ฉันทลักษณ์ บ่าใด้ เลยใจ้สีแตนเอา ออกมาอย่างใดฮุ๊
