กุ้งห้วยน้องยูเกยดักครับ...ไจ้วิธีคล้ายๆอ้ายปู๋จี่นี่หละ....แต่ว่าไจ้ขวดน้ำอัดลมแตนครับ....
ตัดปากขวด 1 ใน 3 ของขวด...เสร็จแล้วเอาด้านปากขวดยัดกลับด้านเข้าไปในขวด....
หาไม้ไฝ่ตัดหื้อปลายแหลมใหญ่ประมาณนิ้วมือแตงลัดหน้าไว้บะหื้อมันหลุดออกจากกั๋น....ตางก้นขวดเจาะฮูหน้อยๆเอาไว้หื้อน้ำออกเวลาเฮายกขึ้นจากน้ำ....
ย๊ะเสร็จแล้วเอาอาหารปล๋าตี่เป๋นเม็ดใส่เข้าไปในขวดครับ....หลังจากนั้นกะเอาไปปั๊กไว้ตามริมน้ำ..
กุ้งมันจะเข้าไปกิ๋นเหยื่อตางปากขวดแล้วมันจะออกบ่ได้ครับ....รอเวลาหื้อเฮาไปยกขึ้นมาจากน้ำ....น้ำจะไหลออกตามฮูตี่เฮาเจาะไว้ตางก้นขวดครับ....
เรื่องเหยื่อตะก่อนน้องยูไจ้อาหารเม็ดครับกุ้งตี่ได้มากะมีอาหารเม็ดตี่มันกิ๋นเข้าไปตวยครับ......
ลุงหน่อบูดมักกิ๋นฮ้า....ลองเอาฮ้าใส่แตนก่อได้ครับ....
ต๋ามอ้ายยูว่าหั้นเลยครับ ผมเกยโพสใว้ตี่ป๋าง "หาอยู่ แต่อ๊ดกิ๋น"
คิดว่าละเอียดปอสมควร แต่บ่ฮู้อยู่หน้าใหนแล้ว
น้ำไหลก่อใด้ครับ แต่หันด้านตูดขวดทวนน้ำ หาอะหยังมาบังแฮงน้ำหน้อย จะเข้าดีครับ
แหมอย่าง ไม้กวาดอ่อนผมก่อเกยใจ้ใด้ผลครับ เอาอันใหม่ๆหน้อย ซักสองสามอัน มัดหื้อหน้าแบน ขนานกั๋น เรียงกั๋น ระหว่างไม้กวาดก่อใจ้ผ้าห่อเหยื่อมัดห้อยโคนใว้
จุ่มลงไปในน้ำตี่คิดว่ามีกุ้งครับ กำนี้ กองกุ้งใด้กลิ่นเหยื่อมันจะแหวกเข้าไปหาเหยื่อครับ ถ้าน้ำใสจะหันกุ้งเกาะอยู่ตี่ไม้กวาด แต่ตี่อยู่ตางในจะบ่หัน
การกู้ก่อแค่ยกขึ้นมาบ่ดาย บ่ดายนี่ละครับ
แก่น มันก่อคือ กองไม้กวาดโดนน้ำ มันจะขยายตั๋ว บ่แน่น กุ้งจะแหวกใด้ครับ แต่ต๋อนเฮาย๊ก น้ำจะซึมออกไป
น้ำหนักของหญ้าตี่เปียกน้ำจะทำหื้อมันลู่ สอบเข้าหากั๋น บีบกุ้งหื้ออยู่ตางในหญ้า ออกบ่าใด้ครับ เอาไปแกว่งในถังน้ำ กุ้งถึงจะออกใด้ครับ
ก๋านยกจ้า ยกเร็ว ต้องสังเกตุกุ้งเป๋นหลักครับ บางแหล่ง แหขนาด สะเทือนหน้อย ก่อดีด หนีอย่างเวย อย่างอี้ต้องยกเร็วครับ แต่บางแห่งบ่าแห ก่อยๆ ยกจ้าๆ จะใด้นักกว่าครับ
เสียดาย แถวนี้บ่ามีกุ้ง นั๊กขนาดจะปอกิ๋น บ่าอั้นจะถ่ายหื้อผ่อ
ขอบคุณครับอ้ายน้ำปู๋
ไปไหนกับอ้ายน้ำปู๋บ่ต้องกั๋วอดล่ะ แหมอย่าง กุ้งห้วยย่ะแดเอามันนิ ก๋างคืนตาแดงเต๋มห้วยไล่ยับก่อได้น้อยบ่ปอกิ๋น
บ่อ๊ดครับ บ่อ๊ด
...ผมเตรียมไปเต๋มคันรถเลย
กั๊บข้าว
