วันนี้มาโล๊ะแอ่วหยายป๋าง ยังบ่เอากั๋นเตื่อ ...
เอาบ๋ออ้ายงา เจ้าหมู่มาพร้อมแล้วลอ เอาเน้อ เอาเน้อ
รอท่าอ้ายคนเก่า ก่อหายแซ๊บ
พิธีกร จ๋ำเป๋น เอาละเน้อ
เฮ้อ อนิจจา ป๋างเก่า เอาปี่น้อง มาฮ่วมกั๋นเน้อ ใว้อาลัยพร้อมกั๋น
ผ่านฮ้อนผ่านหนาว มาซาวกว่าปี๋ * ฮอมแผวข้าวต้ม ข้าวสารปู้นละ
ฮับใจ้บ่ามี ขัดข้อง
* หน่วยไม้ก่อซะ มาตวย
บังแดดกั๋นฝน ทนมือปี่น้อง * ไม่หลัวเป่อเล๊อะ เป๊อะมาเป๋นก๋วย
บ่าเกยขัดข้อง จ่มดัง * แคบหมูมีตวย สี่ชิ้น
เรื่องเล่าหลายแหล่ง ป๋างแห่งความหลัง * ลองไฟหลายวัน เมามันดีดดิ้น
กิ๋นเหล้าเสียงดัง นั่งไห้
* พ่องไฮโลกิ๋น หม๊ดเสี้ยง
ลักเหล้ามากิ๋น ลักซิ่นมาใส่
* พ่องก่อฮ้องเพลง บรรเลงบ่าเลี้ยง
ลักแผวเต่าใน คนหลั๊บ
* คอแหบปอเสี้ยง ไมค์เฮา
เจ้าเปิ้นหายจ้อย ไปบ่าหวลกลั๊บ * พ่องก่อหน้าเสีย เมียมานั่งเฝ้า
เจ้าหมู่ก่อนับ วันรอ * ต๋าป่ามเมียเอา หลัวบุ๊บ
ผ่านมาหลายปี๋ วันนี้ล่ะหนอ * พ่องแป๋งหน้าเหี่ย เมียสั่งหื้อยุ๊บ
เจ้าหมู่เขารอ กิ๋นเหล้า
* ตึงวงเหล้าลุ๊บ ไฮโล
ของฮอมหลากหลาย เพื่อคลายความเศร้า * ปาเมียปิ๊กบ้าน ต้องคลานไปโอ๋
ฮอมตึงเหล้าขาว เหล้าเถี่ยน
* แหมวันหัวโน โผล่มา
ฮอมดอกใม้จั๋น น้ำมัน หอมเตียน * วันนี้วันดี มีกั๋นพร้อมหน้า
หม้อใส่ป๋าเหยี่ยน ก่อฮอม
* จั๊บยามสามตา ฤกษเม๊าะ
พริกไทยก่อมี โคโยตี้ก่อพร้อม
* ว่าอนิจจัง วัตตสัง ขาเดาะ
บางคนก่อฮอม ดอกใม้ * เปี๋ยหลัวเม๊าะ เม๊าะ ก่อไฟ
พ่องฮอมยางรถ ฮอมหม๊ด หมูไก่ * รวบรวมความหลัง ทุกอย่างโจ้งใส่
ฮอมดอกไม้ไฟ ซ๊ะป๊ะ * รวบรวมแรงใจ๋ เอ้าจุ๊ด…….. อะละ ฮ้อน ฮ้อน
เอ้า อ้ายยู ขอไฟ ขอไฟ
โหสิเน้อครับลุงป้าว.....ด้วยรักและอยากซ้ำเติม......
