เอาละ เอาละไหนๆ ป๋างก่อไหม้ไฟไปแล้ว เพราะลีลาของเจ้าของป๋างนักล้ำไป
เขาเลยเอาไฟจิเหิ่ยนิ
แต่บะเป่นหยัง เจินมาตางเก๊าก๋อก้วยก่อได้ เน้อ
อะแฮ่ม แฮ่ม อึ้ก อึ้ก อ่า อ่า
เรื่องมีอยู่ว่า บะอ้ายคนเมือง บ้านอยู่ติดน้ำของ ใหญ่หน้อยมากับสายน้ำแม่ใหญ่ กว่า 40 ปี๋
มีความสนิทคุ้นเคยกับคนทั้งสองฝั่ง มาตั้งสมัยป้อ สมัยอุ้ยแล้ว แหมอย่าง เพราะตั่วเขามีเฮือ ขับข้ามไปข้ามมา
วันหนึ่งปี้อ้ายกับเพื่อนแหมคน ได้ข้ามไปกิ๋นเหล้ากับตะหานลาว เจ้าหมู่ แล้วจึงจวนกั๋น ว่าจะจิ๊บะทบจ้งลงน้ำ เพื่อความเป๋นสิริมงคล
ตะหานลาวก่อโชว์บะท้บ ขนาด 2.5 ขีด อยู่ 4 แก่น เกียมเสร็จสรรพ ก่อปากั๋นไปตี้วังน้ำ ซึ่งมีป๋าบอกชุกชุม
บะอ้ายกับเปื้อน เกียมสวิง นั่งอยู่บนเฮือห่างออกไป กะว่าเกียมพร้อมอี้เต้อะน่า
ตะหานเมาได้ขึ้นยองบะหิน เอาบะท้บแก่นใหญ่ สายชนวนจิกับมูลี ดังซี่ ๆ ๆ แล้ว โจ้งลงไป ในน้ำ เขานั่งลงเอามืออุดหู บะท้บแตกดังตุ๊บ
ทันใดนั้น ก่อปรากฎ มีอะหยังหุ ปุ่งในน้ำ ข้าง ๆ เฮือ อย่างแฮงขนาด ทำหื้อเฮือโคลง เกือบล่ม
ผ่อหันเป๋นลำยาว ขนาดต้นต๋าน พุ่งขึ้นไปทวนน้ำไป
(กำเดว มาต่อเน้อครับ ขอเวลานอกไปกำจัดแม่น้องสินสมุทรกำ
จ่มต๋ายล่ะ)
