โห้ะ โห้ะ ฟั่งเตื้อ ๆ ฟั่งเตื้อ ๆ
เดวนา เดวนา
ต่อ ๆ ครับ ต่อ ๆ บะใจ้ตัวต่อนอนวันนา มาฟังกันต่อ
.............ลำยาว ๆ ตี้ปุ้งไปนั้น บะอ้ายตี้นั่งบนเฮือสองคน หันเหมือนกั๋นคือ เป๋นเหมือนลำยาวซาววา
ลักษณะเหมือนป๋าเวลา โดนไฟจี้แล้วสดออก อย่างอั้น ผ่อตั๋วเขา สองมือก๋ำแคมเฮือไว้แน่น ตั๋วแข็งแก็ก
เหล้า 35 ตี้ลงต้องไป หายวับไปกลับต๋า คนท้ายเฮือ หว้ายไปสตาร์ทเครื่องเฮือกะหนีเขาฝั่ง ก่อบ่อติด สองสามกำ ก่อบ่อติด
เอาละ กำนี้อาการกั๋วแบบขี้หดตดหายก่อเกิด ก่อนมาก่อฮู้อยู่แล้วว่า แถวนี้เป๋นวังพญานาค คนเก่าคนแก่เปิ้นว่าไว้
สองมือตี้บะเกยยกมือไหว้ไผ นอกยากยกแก้วเหล้า ก่อยกมือขึ้นไหว้ไปทั่ว เมื่อสตาร์ทเฮือบะติด ก่อเลยเปี๋ยเอาไม้พาย ลงมาพายจ้ำ ๆ
จะเป๋นอุปทานก่อบะฮู้ เวลา เอาไม้พาย กวักน้ำลงไป ก่อเหมือนไปโดนหลังอะหยังหุ กึก กึก แต่ก่อจ้ำ ๆ ๆไปถึงฝั่งไทย
กำนี้มาผ่อ ตะหานเมา เมื่อขว้างระเบิด เอ้ย ๆ บะท้บจิบูชาความเป๋นสิริมงคล ตกลงน้ำแตกดัง ตุ้บ
เขาก่อลุกยืนขึ้นผ่อ ซึ่งผาบะหินตี้เขายืนนั้น อยู่มุมสูง ก่อหันเป๋นแนวลำยาว ๆ เงาในน้ำลาง ๆ ใหญ่ปอๆ กับเฮือ
พุ่งออกไป ลักษณะตกใจ๋ ถ้านับหัวหาง น่าจะยาวกว่าเฮือ 4 - 5 ช่วงเฮือ หมู่เขาก่อตกใจ๋ขนคิงลุกเหมือนกั๋น แต่ก่ออยู่ไก๋อยู่สูง
หันมาผ่อบะอ้ายคนเมืองกับเปื้อน หลังจากมาถึงฝั่งแล้ว ก่อลองสตาร์ทเครื่องแหมกำ กำนี้เครื่องติดแต่ก่อบะกล้าขับล่องออกไป
ขณะที่ยังลังเลในสถานการณ์ไปหน้านั้นก่อคิดได้ว่า ป๋าคงจะลอยเต๋มวังแน่ๆ เพราะป๋าบอกแถวนั้นชุกชุม
ป๋ากฎว่ามาฮู้ทีหลังจากนั้น ตะหานลาวบอกว่า บะมีป๋าเป๋นอะหยังสักตั๋ว
มีต่อครับ แต่รอผ่อคะแนนก่อน เอื้อก ๆ
