"o"
...........................มันค่อยๆ กานลงต๋าฝั่งไป ปอถึงตี้โล่งก่อเป๋นป่าไมยราพยักษ์ ปนกับหญ้าไซควายเบื่อ สูงเปียงคอ
มันผะหลาด ผะเหลดลุกขึ้นแล้วกึ่งเตียวกึ่งล่น ลัดไปยังแม่น้ำต๋องหื้อได้ หมู่ก๋องเชียร์ก่อบ่อลดละ กานลงต๋าฝั่งไปติด ๆ
ตึงคนเฒ่าคนแก่ หละเอ็ก ละอ่อน ขี้เหล้าขี้ยา ตุ๊เจ้าพระหน้อย แม่เฮือนหน่อมและสาวจี๋ตี้นุ่งซิ่น ล่นบะสะดวก ก่อจั๊กซิ่นขึ้นปันเอว
ล่นตวยไป ซึ่งวินาทีนี้บะมีไผ๋สนใจ่ไผ จุดมุ่งหมายเดียวคือ " ตวย ไป ผ่อ "
ในที่สุดมันก่อถึงตี้หมาย ในสภาพสบักสบอม แม่น้ำต๋องใสสายหน้อย ซึ่งความลึกบะมีไผ๋ฮู้นอกจากละอ่อนเลี้ยงควายแถวนั้น
มันเกียมท่าจะโดด ยกมือท่าไหว้ขึ้นบนหัว แล้วก่อแหกปากเอิ้นขึ้นมาว่า ไปละเด้อ
แล้วมันก่อกระโดดพุ่งหลาวลงแม่น้ำไป
.............พุทโธ ธัมโม สังโฆ กัมมะธันตั๋ง สังฆะทันตั๋ง เวรัง สังคะต๋า อูมามิ ..............
แป๋ได้ว่า ไผ่บะหันกับหู ได้ยินกับต๋า จิม อูมามิ กับปาก บะดีกั้งออกมาว่า ปุ้ดโท ทัมโม สังโฆ............
บะอ้ายตะหานขี้หมู ได้พุ่งหลาวลงแม่น้ำ แต่ด้วยแฮงโน้มถ่วงของโลก และ ความบะมีแฮงของมัน
ป๋ายบะปอเครือหญ้าตดหมาปันแข้งมันแหม ปาหื้อร่างก๋ายของมัน พุ่งลงขี้เปอะ ฮิมแม่น้ำดังป้าบบบบบ
หน้ามุดขี้เปอะ ตั๋วมันจ๋มลงไปเกิ่งศอก บะดิ้น บะต้วง
ก๋องเชียร์เงียบกริบ ยืนผ่อตั๋วสั่น บางคนกึดไปถึงว่าบะอ้ายตะหานจะก๋ายฮ่างเป๋นอะหยัง อี้หว่ะ
ห้าสิบวินาทีผ่านไป ก่อมีเสียงของเปื้อนตะหานมันเอิ้นขึ้นว่า
จ้วยกั๋นจั๊กลาก มันขึ้นมากำ แล้วมันก่อล่นลงไปเป๋นคนแรก
คนอื่นก่อล่นลงตวย ด้วยความฟั่งและผ่อหยังบะหัน บางคนไปเหยียบใส่คอบะอ้าย เหมือนซ้ำความจ๋ม ลงไปแหม
ต่างคนต่างงม หาอวัยวะของร่างกายตี้ปอจะเปียลากออกมาได้
ด้วยความตี้ตั๋วบะอ้ายเป๋นขี้เปรอะ จึงลื่น เป๋นธรรมดา หมู่เขาจึง เปี๋ยหลุด ๆ บางคนยังกึดว่าเป๋นผิวหนังลื่น ๆ ของผญานาค
ทุลัก ทุเลชั่น เมื่องมตั๋วบะอ้ายออกมาได้แล้ว เขาก่อลากมันไป ใส่ตระกร้าล้างน้ำ เหอะ ๆ บะมีตะกร้า จะล้างน้ำบะดาย
เมื่อเอาตั๋วบะอ้ายจุ่มลงน้ำใส ๆ ของน้ำแม่ต๋องเต้าอั้น......
โปรดติดต๋ามต๋อนต่อไป ได้เวลา ไปวัดฟังธรรมก่อนเน้อ
ไหว้สา ๆ
