ตำนาน แป๋ว่า ต๋ำเมินๆครับ
เมินจ๋นกล๋ายไปหลายหลาก ผมก่อฟังมาหลากหลายครับ
บางเรื่องก่อเศร้าบางเรื่องก่อน่าเอ็นดู
แต่ผมชอบเรื่องนี้ครับ
ผมจ๋ำเรื่องราวแต้ๆ บ่าใด้ เกยเอามาวิเคราะห์ผ่อเล่นๆ เข้าใจ๋ว่าจะไปสูนกั๊บ ม่ะเมี๊ยะ พ่อง ออกมาแนวนี้ครับ
สาวจาวบ้านฮักกั๊บเจ้าชายแถวเจียงใหม่ แต่ครอบครัวฝั่งเจ้าชาย บ่าชอบ ก่อเลยนัดแนะวางแผนกั๋นหนี ก๊ะะจะไปอยู่พม่า กำนี้แต่งเป๋นหื้อสาว ออกเดินทางไปก่อน
สาวต้องอ่อนก่อลัดเลาะป่าไปรอท่าตี่เกือบสุดชายแดน ณ.ตี่นัดหมาย รอท่าเจ้าชายจะตวยมา ผ่านไปวันแล้ววันเล่า เป๋นเดือน สาวเจ้าบ่ากล้าไปหากิ๋น
กลัวเจ้าชายมาถึงจะบ่าป๊ะ กลั๋วหลงกั๋นแหม.....ก่อนสิ้นใจ๋ต๋าย สาวเจ้าอธิฐาน ขอหื้อเป๋นหิน ภูเขาใหญ่ๆ หื้อหันแต่ไกล๋ เผื่อเจ้าชายตวยมาจะใด้บ่าหลงตาง
ขอหื้อติ๋น ยือยาวไปถึงเจียงใหม่ เจ้าชายจะใด้ไต่มาต๋ามเขา ถ้ามีคนคอยขั๊ดขวาง ก่อหื้อมีถ้ำลอดมาต๋ามลำตั๋ว
ว่าแต้ว่าดี มีเรื่องเล่ากั๋นว่า ถ้ำปุ่มถ้ำปล๋า แห่งขุนเขานางนอน ยาวทะลุไปถึงเจียงใหม่ สมัยสงครามโลกครั้งตี่สอง ญี่ปุ่น เข้าเจียงใหม่
เกยมีจาวบ้านหนีญี่ปุ่นเข้าถ้ำนี่ มาพ้ดออกตี่แม่จัน ว่าอั้น อย่างว่า ต๋ำนาน ก่อคือต๋ำนานครับ ต๋ำไปนานๆ มันก่อจ่างแผลดออกข้าง หลายพ่อง
ความศรัทราจาวบ้านเป๋นเรื่องยาก ตี่จะเอาความจริงตี่พิสูจน์ใด้ไปลบล้าง แต่ความเจื่อ ความศรัทรา ก่อบ่าเกยทำลายหรือ ทำร้ายไผครับ
กำอู้นี่เป๋นความคิดเห็นส่วนตั๋ว ของผม นายน้ำปู๋ ผิดพลาดอย่างใด้ ขอรับผิดชอบครับ อู้เอาม่วนเน้อครับ ปี่น้อง
ปล. อ้ายขาง สอนวิธีลงฮูปหื้อกำลอครับ หันใจ๋คนบ่าลวก
pm ก่อใด้ ผม rezise แล้วก่อดายขนาดเกิ๋นหว่ะ
