นะโม โถโถหาย เงียบไป
ตัสสะจม ฝั่งใหน ซ้ายขวา
ภะคะวะโต บ่าโผล่มา ด๊กแซ๊บ
อะระหะ โตหา ฝั่งใหน ไม่เจอ
มะป้าวลาย กล๋ายเป๋น ม่ะป้าวหนุ่ม
เดวดุ่มดุ่ม ลุ่มน้ำของ จ้องผ่อสาว
เปิ้นอาบน้ำ แมบมอง ส่องตางยาว
โดนก้านป้าว บุ๊บหัว ผัวเขาเจอ
กุสลา ธัมมา อกุสลา
ปุ๊ดเหียก้า กุดกุด ผัวหยุดเผลอ
บอกคำปิ้น น่าฮัก ฉันรักเธอ
น้ำต๋าเอ่อ ท่วมของ นองเต๋มเมือง
น้ำท่วมเจียงใหม่ เจียงฮาย จ๋มน้ำ
หล่ะปูนระกำ น้ำน่าน ก่อนอง
อ้ายป้าวนั่งไห้ ใหลใส่น้ำของ
จ๋นน้ำเนืองนอง ท่วมมิด
เขาจั๊ดงานบุญ ลุ้นกั๋นมิดชิด
อยู่หลืบ มุมติ๊ด ศาลา
อ้ายยูนั่งใน โคมไฟวางหน้า
ตางปื้นเป๋นผ้า ตาราง
นั่งเหงื่อแตกซิก ยิกยิก อ้ายขาง
ลุงดีนั่งข้าง นับตังค์
แป๊ะจ๋นโดนไล่ ไปอยู่ตางหลัง
อ้ายเห็บมือวาง นั่งเศร้า
อ้ายงา นั่งยิ้ม จิ้มเอาจิ้มเอา
อ้ายยูก่เศร้า โต๊ดเต็ง
อ้ายหน่อนั่งรอ เหมาะเหมาะเหม็งเหม็ง
เดวจะโต๊ดเต็ง เต๋มตี่
เหรียญห้า สองเหรียญ เปลี่ยนทุกมุมมี
เดวอยู่มุมนี้ เดวย้าย
ยักหื้อขาดนา จากขวา มาซ้าย
ยักจ๋นสุดต้าย หายแซ๊บ
นั่งผ่อหน้ากั๋น หันอยู่แหม็บแหม็บ
หายไปเหียแซ๊บ ตางใด
จ้างเต๊อะเหรียญห้า สองเหรียญหายง่าย
ปะ ปะ เฮาย้ายเปลี่ยนวง
นั่งจ๊ดข้าวต้ม อิ่มจ๋น เดินหลง
หม้อก่อยกลง ตี้วไป
ปะ ปิ๊กละบ๋อ บ่อหู้งานไผ
หม้อน่ะติ้วไป กิ๋นบ้าน
โค๊ะ ลุ๊ไปติ๊กติ๊ก
