"คาว" เน้อ บ่าใจ้ "ค่าว"
เจ้าแม่หับเผย ปู่เงยเก้างิ้ว
เทวาเก้าติ้ว ตางใด
บ่อเอ็นดูก๋อง น้ำต๋านองใหล
ตางผ่านสาวใด หักอ๊ก
จั๋นปองว่าดี ซ้ำหนีป๊กซ๊ก
มาจุ๊ก๋องจ๊ก ซะตาง
คำหล้าคำเอ้ย เอื้อยเอ่ยม่วนอย่าง
กองใด้ซะตาง หายแซ๊บ
คำลี้ก่อลวง คำปวงก้นแต๊บ
ไค่เอาปื๋นแก๊ป ไล่ยิง
ช้ำเกิ๋นหัวใจ๋ หนาวไหน่ไฟหิง
ขอสาปแม่ญิง ตึงหล้า
หื้อนอนบ่หลับ นับเงินจ๋นล้า
เพชรคำใหลมา ท่วมเอว
คนจุ๊คนลวง ลมหลวงใหลเหลว
บ่าดีมาเคว ไกล๋เสี้ยง
สาปหื้อโรคโหม รุมโทรม โอมเพี้ยง
ไปไกล๋หายเกลี้ยง บ่าควี
สาปหื้อหน้าผ่อง บ่ามีหมองศรี
ใด้ป๊ะคนดี ครองฮัก
ปอบ๋อ สาปเปิ้นนัก
มันจะย้อนเข้าตั๋วนา เปิ้นว่า
