พี่ๆครับ
มีเรื่องรบกวนสอบถาม2-3ข้อครับมีเรื่องอยากฮู้อยู่2อย่าง 1).ภาษาท้องถิ่นของพี่ๆเอิ้นอีหยัง(ผมอยู่ศรีเกดครับ) 2).มีภาษากลางบ่ครับ
1.บักคะนิง-เป็นไม้ยืนต้นเนื้ออ่อน เปลือกต้นสีดำ ใบเป็นมัน หน่วยมันใหญ่เต็มที่ขนาดหัวแม่มือหน่วยยามอ่อนตำเมี่ยงแซบครับ ออกฟาดๆ ยามสุกหอมขนาด ออกผลยามไถนาฮุดนี่ละครับ หน่วยมันสิมีช่อและเม็ดข่างในมีแบ่งคือมังคุดเป๊ะเลยครับ หน่วยอ่อนหรือสุกสีเขียวคือกันครับ(นครพนม บ้านแฟนบอกบ่ฮู้จักครับ)
2.บักโพ่งโพะ-เป็นพืชล้มลุกครับ ต้นเตี้ยๆเลี่ยขี้ดิน ผลสิมีเปลือกหุ้มยามอ่อนเปลือกสิเขียวสด ยามสุกเปลือกสิเหลืองกรอบ แกะเปลือกกินผลข้างในหวานจ้วย ผมบ่แน่ใจขึ้นได้ยามได๋แหน่ แต่ก่อนว่าเคยไปเลี้ยงควายแล้วเก็บแกะกินอยู่
3.แมงระงำ-ตัวอ่อนแมลงปอ บ่อแน่ใจว่าแต่ละท้องถิ่นเอิ้นคือกันบ่ (ผบ.ผมเอิ้นเหนี้ยว)
สาเหตุที่ถามคืออยู่ม่องเฮ็ดเวียกผมบ่สามารถสรุปได่ว่ามันเป็นอันเดียวกันแต่เอิ้นบ่คือกันหรือเปล่า
แฮ่งหวิ่งแฮ่งคุยกันแฮง
อ้ายกล้วย อ้ายตุ๊ซ่อยแหน่เด้อครับมื้ออื่นนี่ไทพิษโลกกับไทเมืองกานว่าสิมาฟังคำตอบนำ(สงสัยสิหวิ่งอีกละพี่)มันบอกสิหอบลูกหอบเมียมาฟังพู้นละแม้
อาทิตก่อนนั่งคุยกับน้องคนขอนแก่น+สระแก้ว บ่ทันได้ข้อสรุปเมาก่อน อาทิตย์นี่ต้องคุยก่อนเมา
ขอบคุณครับ
