ผมเบิ่งแล้วร่องมันกว้างครับ
ช่างเพิ่นยิงแผ่นบ่ค่อยสนิทปานได๋
มีพี่ๆบอกมา ว่า ถ้าใช้โป๊วเลย มันสิมีฮอยร้าวครับ
ถ้าร่องกว้างๆ ยาซิลิโคนก่อน แล้วจั่งเอาเคมีโป๊ว ทับอีกรอบ ได้บ่ครับ
สมควรบ่ครับ
พี่ๆช่างในบริษัท กะหลายคน แต่ละคนเพิ่นกะเสนอมาครับ
ผมน้องใหม่ กะเลย รับเอามา รวมๆกันหมดละครับ
ย่านมัน มุ่นอุ้ยปุ้ย อยู่ครับ
เกรงใจเพิ่นนำ ถามแล้ว คือบ่เฮ็ดนำ เพิ่นละสิว่า
คึดง่าย ๆ กะได้หนุ่มการที่เฮาสิไซ้วัสดุสองชนิดมาอุดรอยต่อในจุดเดียวกันมันสิส่งผลดีบ่ การยึดเกาะของวัสดุสองชนิดมันสิประสานกันได้บ่ ถ้าไซ้ซิลิโคนกะไซ้อย่างเดียวไปเลย แต่ที่แนะนำไห้ไซ้เคมีเพราะว่าต้องทาสีทับ
สรุป ถ้าร่องมันห่างหลายกะไซ้วิธีเก็บงานหลายชั้นเอาแต่ไห่มันเป็นวัสดุชนิดเดียวกัน ถาเป็นเคมีประเภทยืดหยุ่นตัวสูง โดนปานได๋มันกะบ่ร้าวดอก
อ้ายเหี่ยนไปทางได๋มาบอกนายซ่างหนุ่มแหน่ ต้องไห่ผุเคยเฮ็ดงานตะนาคานมาฟันธง
