ร้อยเอ็ด เด้อ ชาวร้อยเอ็ดมีมั้ยครับแนะนำตัวด้วยคร๊าบบบบ

[อนัตตา]

ซางคิดได้เนาะอ้าย เว่ามากะเสียดายสมัยบ้านยังเป็นพท.สีชมพู ลูกปืนหลาย ๆ บ่ได้คิดการไกลเก็บไว้ งัดเอาดินปืนมาเฮ็ดบั้งไฟน้อยเหล่นเหมิด

[somsakbck]

ตอนปี 2531 ผมออกไปเฮ็ดทางอยู่เสิงสาง(แขวงโคราช 2 )ร่วมกับ กอรมน.......ยามมื้อแลงย่างเข้าไปในหมู่บ้าน.....ซุมทหารที่ไปเฮ็ดเวียกนำกันฮ้องใส่วายๆ......ว่าแม่นเป็นหยัง....เขาว่า...."คือบ่ย้านคอมมูนิสต์" พะนะ.............ฮา

[สหายแป๋ง คนดง]

  คอมมิวนิสต์ดีดีกะมียุเด้อ

[อนัตตา]

คอมฯ กะคนธรรมดาเนาะครับ ตอนนั้นออกไปนาไปไฮ่ทหารบ่ให่เอาเข่าสารไป ห่อได้แต่เข่าสุก เขาย่านไปส่งเสบียงสหาย (สหายกะมีแต่ซุมบ้านเดียวกันนั่นล่ะ) ซุมผมเด็กน้อยกะไปหางัดเอาสะเก็ดปืนใหญ่นำต้นไม้มาอ้างกัน ของไผได้อันใหญ่กั่วกัน

[somsakbck]

คอมมูนิสต์ผู้นึงกะอยู่เทิงกระทู้ท่านอนัตตานี่หล่ะ..........(สหายเก่า)

[สหายแป๋ง คนดง]

ผมเข้าๆออกๆตั้งแต่ปี 19 ฮอดปี 21 อยู่ป่ากะม่วนไปอีกแบบหนึ่งครับ

[somsakbck]

ตอนนี้บ่มีป่าแล้วป๋า............เขาถางปลูกมัน ปลูกยางพาราเบิดแล้ว...............(บุกรุก)

[อนัตตา]

ครับ..ผมเห็นเป็นเรื่องธรรมดา เป็นความคิดของคนกลุ่มหนึ่งครับ ครอบครัวหมู่ผมเข่าป่าเหมิดบ้านเลยครับพ่อ แม่ ลูก4คน บักหมู่ผมหายจากกันไปตอนประมาณป.1ป.2 จนออกจากป่ามามันโตใหญ่กั่วเก่าหน่อยเดียวครับ มันว่าเทิงอดอยากเทิงหนักอาการ์ มันเลยบ่ใหญ่พะนะ

[สหายแป๋ง คนดง]

หม่องผมอยู่บ่ได่อดเด้อครับ  ซำบายกินตรงเวลานอนแล้วแต่เวรแล้วแต่ผลัด  งึดแต่เขาพาหย่างจากภูแผงม้าอ.นิคมคำสร้อยฮอดภูพานภายในคืนเดียวนี่แหล่วครับ  เว้ามากะขาหลอย

[somsakbck]

ผมกะย่างคือกันตั๊วป๋า.........ย่างจากอำเภอหนองพอก(ร้อยเอ็ด)เข้าไปดงหลวง(มุกดาหาร).....กลางเว็นนอน กลางคืนย่าง.....ทีแรกว่าสิย่างข้ามฝั่งไปหานายผีอยู่หลวงน้ำทาพุ้นแหล่ว............อยากเป็นนักเขียนหลายน่ะ.............(อดีต)

[สหายแป๋ง คนดง]

นายผี"อัสนีย์  พลจันทร์"บ่ได่พ้อเลาง่ายๆดอกครับ  คันบ่ไปกับสหายใบไม่  กวีซีไรท์

[somsakbck]

อยู่แถวๆดงหลวงได้จัก 8-9 มื้อแล้ว.........คึดฮอดผู้สาว คึดฮอดบ้าน ฟ้าวเข้าหมู่บ้านตอนกลางเว็น ขึ้นรถกลับร้อยเอ็ดไวปานหยัง.....พวกอยู่วัดนำกันเขาว่า ทางโรงเรียน(เทคนิคร้อยเอ็ด)เขามาถามหาอยู่วัดเด้อพะนะ............

[อนัตตา]

ฮู้จักกันโดนกะมีแปลก ๆ มาเรื่อยเนาะอ้าย ตอนปี40 ผมเคยขับรถเข่าไปเหล่นแถวดงหลวง เห็นวิวงามกะเลยยืนถ่ายรูปเสยยุ สังเกตุเห็นว่ามีคนเอามือคลำแอวย่างเลาะยุหลายรอบ แต่บ่ได้คิดหยังจนกลับมาถึงฮู้ว่าแถวนั้นเขาปลูกยาสูบพระอภัยหลาย เกือบเอาซีวิตไปถิ่มแล้วผม

[tungwong]

 บ่แม่นคนร้อยเอ็ด แต่เป็นเขยเมืองร้อยเอ็ดขอรายงานตัวนำเด้อ

[somsakbck]

ยินดีต้อนรับครับ....บอกข้อมูลกับสมาชิกนิดหน่อยพอให้เป็นช่องทางถามข่าวกันเด้อครับ............เขยร้อยเอ็ด อำเภอได๋น๊อครับ.....