ร้อยเอ็ด เด้อ ชาวร้อยเอ็ดมีมั้ยครับแนะนำตัวด้วยคร๊าบบบบ

งานบุญแถวบ้านมีเรื่องตลกเว่าสู่ฟังคับ เป็นบุญกะถินคับเพิ่นจ้างหมอลำมางัน มันเป็นเรื่องปกติที่แถวหน้าฮ้านั่นสิมีเด็กน้อยวัยรุ่นพุยิง พุซาย ขาโจ๋ ขาบ่โจ๋ และที่ขาดบ่ได่กะคือ กะเทย มีกะเทยนางนึงคับ กะแต่งโตดีหน้าตากะถือว่าจิ้มลิ้มคล้ายพุยิงยุ เพินอ่านกินเด็กน้อย เพินกะวนฝั่นกันยุกันเด็กน้อย โดนเติบกะหายไปเทิงเด็กน้อยเทิงกะเทยบ่ทันโดนเด็กน้อยกะกับมาแต่กะเทยบ่เห็นเวลาผ่านไปหลายชั่วโมงกะยังบ่โผล่หน้ากับมาหมู่เป็นห่วงกะเลยพากันออกตามหาในบริเวนวัด พร้อมทั้งไห่โฆสกปะกาดหากะบ่เห็นซ่วงที่กำลังชุลมุนวุ่นวายกันอยู่นั่นกะได่มีชาวบ้านกลุ่มไหย่พากันแตกตื่นอะไรบางอย่างบางคนหน้าซีดตัวสั่นบางคนกะผมชี้ผมชันอยู่ในอาการตกใจสุดขีดพอสอบถามกะได่ความว่าพากันออกไปเยี่ยวกะเลยได่ยินเสียงโหยหวนหวีดหวิวชวนขนลุกมาจากทางเมรุ กะเลยมีกานวิจานกันไปต่างๆนา บางคนกะว่าหน่าจะเป็นเปรต ภูตผีอิยั๋งต่างๆมาขอส่วนบุญ กะเลยพากันจัดตั้งอาสาสมัคพิสูดความจิงกะมีไปกันหลายคนคับ พอเดินออกจากเวทีหมอลำไปได่บ่ไกลป่านได๋กะแว่วได่ยินเสียงที่ว่านั่นจริงๆบางคนกะขนลุกบ้างคนกะหน้าซีด บางคนกะเกือบแล่นขนาดคนเมากะยังซ่วง มันเป็นเสียงโหยหวนคือเสียงภูตผีในอุบายยะภูมิทีได่รับความทุกขะเวทนาอย่างยิ่ง ทั้งกล้าทั้งกลัวแต่พอกันได่อาสาไปกันแล่วกะต้องไปไห่เห็นกับตาอย่างน้อยกะไปกันหลายคน พออุ่นใจ พอเพอเข่าไปใกล้เมรทุกขณะๆเสียงนั่นกะยิ่งชัดเจนขึ้น เป็นเสียงที่ดังมาจากโคลนต้นพร้าวอยู่หน้าเมร เข้าไปใกล้อีกจนเห็นเป็นเงาร่่างของภูตหรือเปรตตนนั่นทันไดนั่นที่เข่าไปใกล้ในระยะที่สามารถได่เพูดคุยกันได่กะได่ยินเสียงเปรตตนนั่นฮ้องทักออกมาก่อนด้วยควมดีใจ "ซ่อยข่อยแน ซอยข่อยแน"ไฟฉายทุกดวงสาดจับไปยังที่เดียวปานนัดกันไว่ โอ้นเปรตขั่วมึงเอ้ย กะเทยนางนั่นถืกจับมัดไขว้หลังไว้กับกกบักพร้าวเอาผมยาวๆแบ่งเป็นสองปอยมามัดพันกันติกับต้นพ้าว เป็นตาเหลือโตนนางยุ อิอิ เปรตยังบ่ทันตายดิ้นยุด่าวๆๆๆ

	ผู้เขียน	หัวข้อ: ร้อยเอ็ด เด้อ ชาวร้อยเอ็ดมีมั้ยครับแนะนำตัวด้วยคร๊าบบบบ (อ่าน 371167 ครั้ง)
0 สมาชิก และ 186 บุคคลทั่วไป กำลังดูหัวข้อนี้