มื้อวันเสาร์ น้องซายอยู่บ้านปะโค เมืองหนองคาย มีหมู่มายาม เป็นหมู่เก่า หมู่แก่สมัย บ่าวน้อย
หมู่กับเมียมาหามายาม กะเลี้ยงดูปูสาดกันอย่างดี
กินแล้วหมู่หว่ามีธุระสิไปตามทวงเงินหมู่อีกคนหนึ่งในเมือง เลยยืมรถยนต์น้องซายผม
ขับไปตั้งแต่ บ่ายสามวันเสาร์ จนปานนี้ยังบ่ได้เอามาส่ง โทรนำหา กะมิดสี่หลี่
รถกะรถมูลเฒ่าพ่อเผิ่นถิ่มไว้ให้ไซ้ จั่งแม่นมันโคตรฉลาด น้องซายผมกะดาย
ถามหว่าหมู่อยู่บ้านได๋ ตำอิดกะหว่าอยู่หนองบัวลำภู ถามอีก กะหว่าอยู่อ่างทอง
ถามซื่อหมู่กะหว่าซื่อกำพล ถามซื่อเมีย กะบ่ฮู้จัก บ้านเมียมันอยู่ไสกะบ่ฮู้
รถเป็นรถ อีซุซุ TFR SLX แค็บ สีบรอนซ์เงิน บ่ได้ใส่แม็กไลเนอร์ ติดแต่ขอบอลูมินั่ม
ทะเบียน บค 4594 หนองคาย แจ้งความหายไว้ที่ สภ.เวียงคุก อำเภอเมืองหนองคายครับ
ส่อยเบิ่งแหน่ครับ คนขับบักที่หลอยไป มันสิผอมสูงครับ เมียอ้วนเตี้ย โกรกผมทอง
ข่าวล่าสุด บอกหว่ามันไปจาวขายอยู่แถวๆน้ำพอง ขอนแจ่น จักสิเลยไปไสแล้วกะบ่ฮู้
ขอบคุณล่วงหน้าเด้อครับเด้อ
ฮ่วย.............คือเป็นฮ้ายแทคนเฮาอุตส่าห์มีน้ำใจไห้มันยืม มันยังก้าเฮ็ดแบบนี่หยู่ตี้
ลุยเองโลดหมอ มีพรรคพวกหมู่ฝูงเลาะๆนำหมู่นำกะฝากเป็นหูเป็นตาไห่
เฮาเองกะพอตายแล้ว โรคปวดคอกำเริบสิได่เข้ารพ.ผ่าตัดเสริมกระดูกคอไวไวนี่หล่ะ
