ขอบคุณหลายๆครับ หมู่พวกน้องนุ่งซุผู้ซุคน ที่ซ่อย
ข้อมูลล่าสุดครับ มันขับเลยลงไปทางโคราชแล้ว น้องซายกับตำรวจ นำก้นไปอยู่ครับ
ไฟท้าย ไฟเลี้ยว แตก จักมันขับไปซนหยัง ไปจาวขาย คะเจ้าเลยบ่ซื้อ มันบ่ได้ปลดป้ายออกครับ
รุ่นนี้เก่าแหน่ แต่คันนี้ขับลงหนองคาย-ระยอง แบบบ่ต้องพักเครื่องได้สำบายครับ
คนเฮา กินข้าวเขา กินเหล้าเขา ที่คึดฮอดบุญคุณ มันหาน้อยแล้วครับ ซุมื้อนี่
พอซาวได้ มันกะเอาโลด พอเอาเปียบได้ มันแฮ่งหว่ามัก
มาตอนแรกฝ่ายญิงกะกวดบ้านถูบ้าน เปิดห้องนอนมะลางเฒ่าแม่ สินอนค้างนำ พะนะ
มันเฮ็ดได้เนียนคักขนาด ถ้าได้นอน อาจสิปาดคอน้องผมถิ่มกะได้
ถ้าน้องผมขับรถพาไป อาจสิเป็นศพข้างทางกะได้ครับ
บ้านผมที่ปะโค เป็นบ้านสวน มีบ่อปลา มีสวนผลไม้จิปาถะ รวมๆได้จัก 15ไร่
ห่างหูห่างตาคนหลายเติบ ห่างจากทางซอย(มีถนนส่วนบุคคลเข้า)จัก 100 เมตร
ห่างจากถนนสายริมโขง ท่าบ่อ-หนองคาย จัก 300 เมตร เปลี่ยวเติบครับ
หมาที่เลี้ยงไว้ กะเฒ่าตายเบิดแล้ว
น้องผมหว่าถ้าพ้อสิฆ่ามันถิ่ม ผมหว่าบุคุ้มครับ เฮาสิติดคุกติดตะรางอีกพ้อม
บ่ต้องตีต้องฆ่าดอกคนแนวนี่
จับมามัดโยนน้ำของ จั่งแม่นแนว เนาะ
