ป๋างคนโสดๆๆๆๆๆๆ

อ้างจาก: พ่อน้องนะโม ที่ กุมภาพันธ์ 04, 2011, 05:44:38 PM

อ้างจาก: ลุงดีหลึก ที่ กุมภาพันธ์ 04, 2011, 01:33:35 PM

ป้อน้องนะโมบ่อกิ๋นเหล้าแต่สามารถเซาะฮูปศิริขวัญ ไก่แดงมาหื้อดูได้ เยี่ยมจริง ๆ

ลุงซอบใจ๋บวกหื้อ 1 เยี่ยม

ถ้ากิ๋นแหมจะซักมอกใดน่อ คิก คิก

ทอนหื้อครับอ้ายคนแก่ฯ ตะก่อนผมเกยไฝ่ฝัน ไค่ลิ้มลองหื้อมันหมดกู๊อย่างในบรรดา น้ำเมาครับ น้ำลายหก

แต่สุขภาพบ่เอื้ออำนวยครับ ผมเป็นโรคความดันครับ ต้องเลิกครับ แบบว่ากั๋วต๋ายก่อนวัยอันควรครับ บู่

ทุกคนต้องมีความดันโลหิต เพราะความดันโลหิตจะเป็นแรงผลักดันให้เลือดไปเลี้ยงอวัยวะต่างๆของร่างกาย ดังนั้นทุกคนควรจะเรียนรู้เกี่ยวกับความดันโลหิต และรักษาให้ความดันโลหิตอยู่ในเกณฑ์ปกติ เพราะความดันโลหิตสูงจะทำให้เกิดหลอดเลือดแข็งและตีบ เมื่อหัวใจบีบตัวหัวใจจะบีบเลือดไปยังหลอดเลือดแดง ทำให้เกิดความดันโลหิตซึ่งเกิดจากการบีบตัวของหัวใจ และแรงต้านทานของหลอดเลือด หัวใจคนเราเต้น 60-80ครั้งความดันก็จะเพิ่มขณะที่หัวใจบีบตัว และลดลงขณะที่หัวใจคลายตัว ความดันโลหิตของคนเราไม่เท่ากันตลอดเวลาขึ้นกับท่า ความเครียด การออกกำลังกาย การนอนหลับ แต่ไม่ควรเกิน 140/90 หากสูงกว่านี้แสดงว่าคุณเป็นโรคความดันโลหิตสูงโรคความดันโลหิตสูงเป็นปัจจัยเสี่ยงทำให้เกิดโรคหัวใจ โรคไต โรคหลอดเลือดหัวใจตีบ โรคอัมพาต โรคหัวใจเป็นโรคที่มีอัตราตายสูง ดังนั้นการป้องกันความดันโลหิตสูงสามารถป้องกันอัตราการตายจากโรคหัวใจ และโรคอัมพาต โรคความดันโลหิตสูงเป็นภัยเงียบที่คุกคามชีวิตของทุกท่านเนื่องจากไม่มีอาการเตือนดังนั้น การจะทราบว่าเป็นความดันโลหิตสูงจำเป็นต้องวัดความดันโลหิต นี่คือความเห็นของแพทย์

Grin

ต่อไปนี้เป๋นความเห็นส่วนตั๋วของลุงดี คิก คิก

โรคความดันสูง ส่วนใหญ่เกิดจากความอ้วนซึ่งมีไขมันในเส้นเลือดนัก เลือดซึ่งเดินทางไปเลี้ยงร่างก๋ายผ่านเส้นเลือดไปบ่อสะดวกเพราะการอุดตันของเส้นเลือดส่วนหนึ่งเกิดจากการสูบฉีดเลือดของหัวใจไปเลี้ยงส่วนต่าง ๆ ของร่างกาย ซึ่งแอลกอฮอร์ซึ่งกิ่นเข้าไปมีส่วนทำให้หัวใจ๋เต้นเร็ว ดังนั้น คนตี้เป็นความดันมักจะได้ของแถมคือโรคหัวใจ๋ตวยมา และ ส่วนใหญ่เป็นกับคนอ้วน หรือ คนที่มีคอเรสเตอรอลสูง เป๋นโรคของคนตี้อยู่ดีกิ๋นดี และเป๋นไปต๋ามวัย คือ อายุของคนตวย โรคความดันมักใจ้เป๋นข้ออ้างสำหรับคนตี้บ่ออยากกิ๋นเหล้า แต่ความจริงแล้วเหล้าบ่อใจ้ตั๋วสาเหตุสำคัญตี้ทำหื้อเกิดโรคความดันโลหิตสูง.......เพราะว่าคนกิ๋นเหล้านัก ถ้าบ่อกิ๋นกับแกล้มนักมักจะผอม อย่างลุงคำตื้อเป๋นต้น แต่คนกิ๋นเหล้าแล้วอ้วนแสดงว่า เป๋น "ท่านขุนกับแกล้มพินาศ" ถ้าป้อน้องนะโม บ่อกิ๋นเหล้า แต่นั่งเฝ้าคนกิ๋นเหล้า และ กิ๋นกับแกล้มนัก ก่ออันตรายกว่าคนตี้กิ๋นเหล้านัก.....แต่คนตี้กิ๋นตึงเหล้า ตึงกับแกล้มอย่างอ้ายหมูเจ้าของป๋างนี้ก่อยิ่งอันตราย สองเท่า ถ้ายิ่งนั่งกิ๋นทั้งคืนก่อยิ่งอันตราย สามเท่า สี่เท่าครับ เพราะพักผ่อนบ่อเพียงพอ........ลุงเป๋นโรคนี้มาเกือบซาวปี๋แล้ว มีความภาคภูมิใจ๋มาก เพราะว่า เป๋นมรดกตกทอดมาตั้งแต่สมัย ตา ยาย และก่อบ่อใจ้จะเป๋นกั๋นได้ง่าย ๆ และโรคนี้เกิดกับคนอยู่ดีกิ๋นดี ทำหื้อคนอื่นฮู้ว่า เฮาเป๋นคนรวย (ซึ่งแต้ ๆ บ่อใจ้) และส่วนใหญ่เป๋นกับผู้บริหาร แสดงว่าเฮามีหน้าตี้ก๋านงานใหญ่โต (ซึ่งแต้ ๆ ลุงก่อบ่อใจ้) ดังนั้น ถ้าคนตี้เป๋นโรคความดันสูงกิ๋นเครื่องดื่มประเภทแอลกอฮอร์อย่างถูกวิธี ก่อบ่อเป๋นอันตรายครับ เพราะ คนตี้ดื่มแอลกอฮอร์ได้พูดคุยกับเปื้อนฝูงจะทำหื้อ บ่อเครียด นอนหลับได้ง่ายและหลับดี เพียงแต่ว่าถ้าออกกำลังกายสม่ำเสมอก่อบ่อทำหื้อเป๋นอันตรายต่อจีวิตครับ.....ลุงจึงอยากเจิญจวนหื้อป้อน้องนะโมได้หันประโยชน์ของการดื่มแอลกอฮอร์และมาหัดดื่มเหียตั้งแต่บ่อเด่วนี้....ถ้าสนใจ๋ ลุงจะส่งตั๋วอย่างไปหื้อลองจิมก่อนก่อได้ คิก คิก

หลักก๋านดื่มเครื่องดื่มแอลกอฮอร์อย่างถูกวิธี มีประโยชน์ต่อสุขภาพ ตี้สำคัญบ่อเดือดร้อนครอบครัว ง่าย ๆ ก่อคือ คิก คิก

1. เลือกกิ๋นเครื่องดื่มตี้เหมาะกับสภาพฐานะของตั๋วเอง จะทำหื้อบ่อเดือดร้อนเรื่องเงินทอง และ ครอบครัว แต่ถ้ามีเงินนัก ๆ มีตำแหน่งสูง ๆ แต่ยังกิ๋นยาดอง เช่น ลุงคำตื้อ ถือว่าบ่อเหมาะสมกับฐานะตางสังคม และ ฐานะตางเศรษฐกิจ ถ้ามีเงินหน้อย หน้าตี้ก๋านงานบ่อสำคัญอะหยังอย่างลุงดี แต่กิ๋นเหล้าฝรั่ง ก่อถือว่าบ่อเหมาะสมเหมือนกั๋น ข้อแนะนำหื้อเลือกกิ๋นต๋ามกำลังเงินบ่อใจ้ต๋ามยี่ห้อ และ ควรจะทำตั๋วหื้อกิ๋นได้ทุกยี่ห้อตวย เพื่อความสะดวกเป๋นข้ออ้างในก๋านกิ๋นฟรี
2. กิ๋นพอสมควรแก่ตั๋วเองบ่อกิ๋นนักเกินไป และ กิ๋นอาหารต๋ามสมควร จะทำหื้อบ่ออ้วน และ บ่อเป๋นโรคกระเพาะอาหาร
3. กิ๋นหื้อเหมาะสมกับ กาละ เทศะ คือ เลือกสถานตี้กิ๋น จะไปกิ๋นในตี้อโคจร ในผับ ในบาร์ เจ้นตี้ อ้ายยู หรือ อ้ายขาง ทำบ่อย ๆ เลือกเวลาตี้กิ๋น บ่อควรจะกิ๋นเหล้าต๋อนเจ๊า หรือ กิ๋นบ่อเลือกเวลาเพราะจะทำหื้อติดเป๋นแอลกอฮอร์ลิสซึ่มได้ แต่ควรกิ๋นเวลาเย็นเมื่อเสร็จงานแล้ว และ กิ๋นกับคนตี้อู้กั๋นสนุกสนาน จะไปกิ๋นกับคนตี้อู้บ่อฮู้เรื่องอย่างอ้ายป้าว เพราะ เมื่อกิ๋นได้ตี้แล้ว แกจะคร่ำครวญแต่เรื่อง "น้องคำปื้น" จะทำหื้อเสียอรรถรส และ บรรยากาศของการดื่ม...............เว้นวันตี้สำคัญ เช่น วันพระ วันครบรอบแต่งงาน เพราะเฮาอาจจะยุ๊บไปก่อนตี้จะได้ทำอะหยัง ๆ เพื่อระลึกถึงวันสำคัญนี้
4. ใจ้เวลาพอสมควร บ่อควรเกินชั่วโมง หรือ สองชั่วโมง ซึ่งจะทำหื้อเสียเวลา ถ้าเกินนั้นเปิ้นฮ้องว่า "ติดลม" ซึ่งเฮาคงจะหันกั๋นเป๋นประจำใน สยป. (ตี้อื่น บ่อใจ้ สยป.ศิริกิจ)
เยี่ยม

โกวเล้ง เขียนไว้ว่า..."ข้าพเจ้ามิได้ชมชอบในรสชาติของสุรา (มันขม มันเฝื่อน มันเหม็น) แต่ข้าพเจ้าชมชอบบรรยากาศของการดื่มสุรา" เอวังก่อมีด้วยประก๋านละฉะนี้.... คิก คิก

ป๊ะ...ป้อน้องนะโม....ซักก๊อก... คิก คิก

ถ้าบ่อไปเพราะกั๋วโดนลูกหลง ลุงจะไปละเน้อ ฮู้สึกว่าพาดพิงนัก เย็นง่อน มีความฮู้สึกเย็นหลังวาบ ๆ ละก่อ เหมือนว่าไผจะตวยก้นลุงมาบ่อฮู้นา ลุงไปละ ตกใจ

	ผู้เขียน	หัวข้อ: ป๋างคนโสดๆๆๆๆๆๆ (อ่าน 363078 ครั้ง)
0 สมาชิก และ 110 บุคคลทั่วไป กำลังดูหัวข้อนี้