วันนี้ผมมีเรื่องรบก๋วนถามหมู่อ้ายน้อยครับเรื่องลูกซองเบลเยี่ยม
พอดีวันนี้ไปแอ่วหาลุง มีหมู่ลูกน้องป่อเลี้ยงไม้เอาปื๋นลูกซองมาหื้อลุงผมผ่อยะขายหื้อหกปันห้า ผมกะแป๋งนั่งฟังเปิ้นหั้น เปิ้นว่าของนอกเบลเยี่ยม
สภาพเก่า แต่ถ้ายะบะได้เก็บถ้ายะเอาอังฝนไว้สนิมเปิ้อ
หยิบมาหื้อลุงผมผ่อ เปิ้นว่ามีแกะตึงเสือ ตึงมงกุฎ โคนเหลี่ยมพร้อม ผมก๋ำมาแยง โฮะของนอกแต้ นอกบ้านผมไปน้อย
ลำกล้องบะบอกอะหยังซักอย่าง ตั้งแต่รังเพลิงไปตังในเต้ากันซุ้ยลุ้ย เสือผ่อยังอีเห็น ลูกซองเบลเยี่ยมรุ่นตี้หมู่รุ่นปู่รุ่นตาเปาะตังค์กั๋นไปซื้อตี๋กรุงเตปตี๋ว่าซื้อสิบแถมหนึ่ง มะเดี่ยวแถวบ้านผมเหลื่ออยู่บะกี่บอก ส่วนมากเป็นใบผีต๋ายหมด แต่หันฮั้นบอกอย่างงาม ขนาดทองยังบะหลุดเตื่อเลยครับ อยู่กับป่อเปื่อนผมแต่เป็นใบผีต๋าย เข้าเรื่องขายปื๋นต่อครับมันมีเรื่องตลกอยู่ครับ คนตี๋เอามาขายเปิ้นมายะก๋านแถวบ้านผมเป็นคนต่างจังหวัด เปิ้นบะฮู้ว่าลุงผมเป็นสล่าปื๋นเก่า แถวบ้านผมคนสมัยก่อนเขาฮู้หมดละครับว่าเป็นแหล่งOTOP ลุงผมเลยถามอ้ายปี้ตี๋ยะมาขายปื๋นว่า สล่าบ้านไหนหยังมายะแคะบะใจ๋ ผมยะยังงามเหลือนี้แหม กล้องยะเอากี่เหลี่ยม เสือยะเอาท่าหยังกะแกะได้
อ้ายปี๋นั้นเลยหน้าเหลือสองนิ้วเลยกะครับ
เปิ้นกะเลยว่าผมกะบะฮู้ผมกะเอาต่อเปิ้นมาแหมกำ ผมเลยอยากถามหมู่อ้ายๆว่าปืนของเบลเยี่ยม เขาหยังมาเซาะหาแล้วก็เอาปืนอื่นมายะหื้อเหมือน กั๋นบะใจ๋ครับ แล้วราคาต่อนนี้เขาเล่นกั๋นอยู่สักเต้าใดครับถ้าสภาพดีๆ
